فيديو عروسة الاسكيت يثير تفاعلا واسعا في مصر.. ما القصة؟

عروسة الاسكيت.. تصدر مقطع فيديو لزفة عروسين بالاسكيت، تريند مواقع التواصل الاجتماعي خلال الساعات الماضية، حيث ظهر خلاله العروسان وهما يتجولان بأحد شوارع وسط البلد في مصر، بالاسكيت بجانب مجموعة من أصدقائهما المقربين.

عروسة الاسكيت

وأثار مقطع الفيديو إعجابًا وإشادة كبيرة من رواد مواقع التواصل الاجتماعي، ما أدى إلى تصدر العروسين التريند في مصر خلال الساعات الأخيرة.

وفي أول تعليق لها على مقطع الفيديو، قالت نهى عيسى المعروفة بـ”عروسة الاسكيت“: “الفكرة جاتلي لأني بحب لعبة السكيتنج جدًا من زمان، وبوصل للناس فكرة أن البنات الملتزمة سواء مختمرة أو منتقبة أو محجبة ممكن عادي يلعبوا سكيتنج، مفيش أي عيب فيها طالما مفيش مخالفات شرعية، غير كده إحنا من عشاق الاسكيت جدًا وحبينا نعمل حاجة مختلفة وفي نفس الوقت بنحبها في اليوم بتاعنا”، بحسب وسائل إعلام مصرية.

ولفتت إلى أن الناس كانت مرحبة جدًا بالموضوع، وشعروا بالفرحة، ونظروا إلينا بكل حب، مضيفة: “فيه ست كبيرة أول ما شافتني حضنتني وعيّطت وقالتلي فرحتيني، نفسي بنتي في يوم تبقى زيك كده جريئة، ما شاء الله عليكي، ورد فعل الناس ساعدنا نفرح أكتر بكتير، ومكنتش خايفة من الفكرة خالص ولا خوفت من أي هجوم، وبالنسبالي الواحد لازم يتقبل الرأي والرأي الآخر حتى لو اتهاجم، ده أكيد وارد”.

وتابعت العروس المصرية: “زوجي أنس شجعني على فكرة زفة الاسكيت، ورأي الناس هما أحرار، لأنهم كده كده بينتقدوا، وإحنا مالناش دعوة، مش هقدر أجبر حد يتقبل رأيي، وطلعنا بصورة كويسة والحمد لله، حاسة إني طايرة من الفرحة”.